موقع كلنا خالد سعيد الشهيد

الاثنين، 28 فبراير 2011

المستشار طارق البشري رئيس اللجنة المكلفة بالتعديلات الدستورية

المستشار طارق البشري رئيس اللجنة المكلفة بالتعديلات الدستورية يؤكد أن التصويت في الانتخابات الرئاسية والبرلمانية ستكون ببطاقة الرقم القومي .. الحمد لله لأن قضية انتخابات مجلس الشعب بالبطاقة الانتخابية كانت واحدة من المشاكل المطروحة ومن مطالب شباب الثورة .. خطوة تانية على الطريق الصحيح الحمد لله

مطالب شباب الثورة .. خطوة تانية على الطريق الصحيح الحمد لله

طارق البشري: التصويت في الانتخابات البرلمانية والرئاسية بالرقم القومي | الدستور

فيه إشاعات كتير جدا بتنتشر دلوقتي بدون أي دليل على الخبر

فيه إشاعات كتير جدا بتنتشر دلوقتي بدون أي دليل على الخبر .. إشاعات بغض النظر عن مصدرها وبغض النظر عن نية صاحبها بتنتشر لأهداف محددة يعرفها بس اللي بينشروها .. يا ريت كلنا نبدأ نتأكد من مصادر الأخبار ونبطل ثقافة نقل الإشاعة دون التأكد منها .. قال الله تعالى: "يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين" .. معا ضد الإشاعات ومن يروجها

الجيش والشعب إيد واحدة لإنجاح ثورة شعب مصر وتحقيق مطالب المصريين

الجيش والشعب إيد واحدة لإنجاح ثورة شعب مصر وتحقيق مطالب المصريين من تحقيق العدالة والحرية والكرامة والديموقراطية للشعب اللي يستحق يكون من شعوب العالم الأول .. مصلحتنا ومصلحة الجيش هي مصلحة مصر وكلنا عايزين مصلحة بلدنا مهما اختلفت الآراء.. اللي عايز يوقع بين الجيش والشعب هو كل فاسد سرق أرض أو زور انتخابات أو أخد رشوة أو تسبب إن المصريين يجيلهم سرطان وخايف دلوقتي من العقاب

من أبطال الثورة اللي مأخدوش حقهم كما ينبغي هو كل الشباب والآباء اللي شاركوا في اللجان الشعبية

من أبطال الثورة اللي مأخدوش حقهم كما ينبغي هو كل الشباب والآباء اللي شاركوا في اللجان الشعبية .. نزلوا وعرضوا حياتهم للخطر عشان يحموا الأمهات والبنات في البيوت .. شكرا ليكم لأنكم أبطال حقيقيين وفخر لكل مصري

المساعد السابق لوزير العدل لشئون الكسب غير المشروع أحمد الشلقانى

المساعد السابق لوزير العدل لشئون الكسب غير المشروع أحمد الشلقانى: الوزير ممدوح مرعى كان يتدخل في قضايا الكسب غير المشروع، وكان يمنعني من استكمال تحقيقات ومن طلب إقرار الذمة المالية من بعض المسئولين ورجال الأعمال .. و56 قاضيا يتقدمون ببلاغ للنائب العام ضد الوزير

56قاضيا يتقدمون ببلاغ للنائب العام ضد ممدوح مرعى يتهمونه بحسم قضايا لصالح وزراء | الدستور

هتافات: مصر وتونس إيد واحدة .. تونس تستقبل مصريين مقيمين في ليبيا

الأحد، 27 فبراير 2011

وزيرة الخارجية الفرنسية استقالت بسبب موقفها المناهض من ثورة تونس أثناء حدوثها بعد الانتقادات الشعبية والإعلامية الكبيرة ليها

وزيرة الخارجية الفرنسية استقالت بسبب موقفها المناهض من ثورة تونس أثناء حدوثها بعد الانتقادات الشعبية والإعلامية الكبيرة ليها .. هما دول الوزراء اللي بتحترم نفسهم وبتستجيب لمطالب شعبها .. الديموقراطية هي الحل

اليوم السابع | وزيرة الخارجية الفرنسية تتقدم باستقالتها

خبر رائع: بدء استجواب حبيب العادلي في أحدث إطلاق الرصاص الحي على المتظاهرين

خبر رائع: بدء استجواب حبيب العادلي في أحدث إطلاق الرصاص الحي على المتظاهرين .. حق شهداءنا ودماء المصابيين مش هيروح هدر ولازم كل شخص ثبت تورطه في الجريمة دي يتحاسب مهما كان منصبه

النيابة تستجوب العادلي في أحداث موقعة الجمل والفراغ الأمني بعد الثورة

مصر كانت عاملة زي مريض السرطان

مصر كانت عاملة زي مريض السرطان .. والثورة هي الكيماوي اللي بيقضي على المرض .. محدش يقدر ينكر إن الثورة كان ليها أضرار بس منافعها أكتر بكتير من أضرارها وأهم منافعها دلوقتي هو إعادة الكرامة والحرية للإنسان المصري .. إن شاء الله باتحادنا وبحبنا لبعض وخوفنا على مصلحة بعض واجتهادنا في عملنا ومذاكرتنا مصر مش بس هتتطور .. مصر هتكون عالم أول زيها زي أي دولة كبرى في العالم

نفسي نتعلم طريقة الاختلاف بدون التخوين

نفسي نتعلم طريقة الاختلاف بدون التخوين .. نفسي نتعلم إن لما حد بينتقد حد بشكل موضوعي ده مش معناه علطول إن ده هجوم والموضوع يتقلب بشكل شخصي .. نفسي نتعلم إن الديموقراطية هي حرية الرأي مش حرية التخوين والتكفير والشتائم لبعضنا .. عايزين نرتقي بفكرنا وأسلوبنا في الحوار مع بعض دي أهم حاجة دلوقتي في مصر

الصفحة شكرت الجيش وكان صورة البروفايل لفترة طويلة

الصفحة شكرت الجيش وكان صورة البروفايل لفترة طويلة هي صورة اللواء محسن الفنجري وهو بيحيي الشهداء .. الجيش دوره عظيم ولا يمكن إنكار دوره في الثورة من ثالث يوم للنهاردة .. إحنا مع الجيش قلبا وقالبا طالما الجيش بيحترم مبادئ وأفكار ثورتنا اللي قامت على العدالة والحرية وإعادة الكرامة للإنسان المصري .. وده ما يمنعش إننا نطلب من الجيش التحقيق في أي وقائع تعذيب لأن كلنا معرضين لارتكاب الأخطاء ولازم المخطئ يتحاسب

رسالة إلى الجيش المصري

رسالة إلى الجيش المصري: نحن نثق بكم وثقتنا مبنية على العمل العظيم الذي قمتم به في دعم الثورة .. ولكن أعمال التعذيب مرفوضة شكلا وموضوعا بغض النظر عن من يتم تعذيبه ومهما كان جرمه لأن هناك قانون يجب أن يسري على الجميع.. نريد فتح التحقيق فورا مع الضباط الذين ظهروا في هذا الفيديو ومعاقبتهم وإعلان عقوبتهم بشكل علني والمراجعة الفورية لكل السجون الحربية وأماكن الاعتقال ومنع التعذيب فيها .. التعذيب مرفوض مرفوض مرفوض مرفوض

إبراهيم كامل عضو لجنة السياسات وصاحب أول دعوة لترشيح جمال مبارك

إبراهيم كامل عضو لجنة السياسات وصاحب أول دعوة لترشيح جمال مبارك للرئاسة في حوار كامل مع قناة أمريكية يوم 2 فبراير بيقول عن الثوار وهو في عمارة في ميدان التحرير إنهم مش مصريين ولا بيعبروا عن مصر وإنهم أقلية طمعانين في حكم البلد .. وبيدعو المتظاهرين يوم 2 فبراير إنهم يبطلوا فوضى ويرجعوا لشغلهم وإن 90% من الشعب المصري مع الرئيس مبارك

تصحيح: استقالة محمد الغنوشي من رئاسة الوزراء في تونس بعد ضغوط الشعب التونسي

رد رائع على الحوار اللي عمله اللواء محمود وجدي في مصر النهاردة .. يا ريت تقروه

المصرى اليوم | صاعقة حديث وزير الداخلية