Like

الأربعاء، 2 مارس، 2011

أرجو من جميع أعضاء الصفحة التوقف عن نشر إعلانات لصفحات وخاصة

أرجو من جميع أعضاء الصفحة التوقف عن نشر إعلانات لصفحات وخاصة لو صفحات ترشيح أو دعوة للانضمام لأحزاب .. الصفحة دي لكل المصريين ومش مكان للدعاية .. هنضطر نعمل بلوك لأي شخص يكرر كومنتاته بشكل كبير أو يدعو لصفحات سياسية تدعو لانتخاب أشخاص أو عدم انتخاب أشخاص .. يا ريت بلاش اعلانات عشان الحوار يستمر في الكومنتات بين الناس وبعضها

مصري .. تونسي .. إيد واحدة

مصري .. تونسي .. إيد واحدة
شكرا لكل إخواتنا التوانسة اللي بيستضيفوا اخواتهم المصريين الخارجين من ليبيا ومدهم بالبطاطين والعلاج والأكل .. بجد موقف رائع ومشرف يثبت إن اللي فرقنا هما الحكام المستبدين واللي هيجمعنا تاني هي ثورتنا الشعبية .. كلنا واحد .. يا ريت تشوفوا صفحة تونس الرئيسية على الفيسبوك وتشوفوا وهما بيرحبوا بكل اخواتهم المصريين... اللي راحوا تونس في اللينك ده:
http://on.fb.me/gzBxeeSee More

حكومة شفيق عقبة حقيقية ضد التغيير

حكومة شفيق عقبة حقيقية ضد التغيير لأنها ببساطة تمنح لفلول النظام البائد فرصتهم الذهبية من أجل استرداد أنفاسهم وتنظيم أنفسهم لكى ينقضوا على الثورة ويجهضوها. إن بقاء شفيق فى السلطة معناه الوحيد بقاء النظام القديم، الظالم الفاسد، مع إجراء بعض التعديلات التجميلية على وجهه القبيح. واجبنا جميعا أن نعمل على إسقاط حكومة شفيق حتى تنجز الثورة أهدافها، وتبدأ مصر المستقبل الذى تستحقه والذى دفع من أجله مئات الشهداء حياتهم

الثلاثاء، 1 مارس، 2011

جمعة المطالبة بإقالة حكومة شفيق

الثورة حصلت بعد ما مات أكتر من 300 شهيد .. بعد ما أصيب أكتر من 8000 شخص .. بعد خسارة مصر لمليارات الدولارات .. كان لازم يحصل تغيير كامل وحقيقي.

مستحيل الوزراء اللي كانوا بيهاجموا الثورة ويسخروا من شبابها ويتهموهم بالعمالة وإنهم متمولين من الخارج وغيرها من التهم يفضلوا وزراء بعد الثورة ويقولوا: "ثورتنا ثورة 25 يناير العظيمة" .. مستحيل رؤوس الفساد في الحكومة المعروف عنهم مشاركتهم في تزوير الانتخابات ودعم نظام مبارك وتسهيل الفساد يك...ونوا لسه في الحكومة.

مينفعش نقدر نبني بلدنا طول ما نفس العناصر اللي كانت بتحكمنا قبل الثورة لسه موجودة لأن موافقهم أثناء الصورة كانت مواقف مخيبة لآمالنا وبعضهم مواقفهم تسببت في قتل شباب.

ثورتنا مستمرة ولن تتوقف لأن محاربة الفساد مهم جدا .. عشان نبني بلدنا لازم نصلح الأساس .. والأساس عمره ما هيتصلح طول ما الحكومة القديمة بنفس وزراءها ونفس الشخصيات المسيطرة على البلد في المراكز الحساسة موجودة.

مش عايزين حكومة شفيق

هنبني مصر وهنصلحها إن شاء الله وهتكون من أكبر الدول المتقدمة

هنبني مصر وهنصلحها إن شاء الله وهتكون من أكبر الدول المتقدمة .. بس لازم نصلح الأساس عشان يستقيم البناء .. والأساس مش هيتصلح طول ما فيه عناصر معروف عنها الفساد والسكوت عليه والمساهمة فيه في مراكز القوة في البلد

حرام عليكم .. كفاية كده

حرام عليكم .. كفاية كده .. خربتم البلد .. عايزينها فوضى .. أنتم مين ممولكم .. انتم عايزين ايه مخلاص فوض سلطاته .. عايزين ايه مخلاص اتنحى ..... إلخ .. التعليقات دي قريناها كتير أوي من أول 15 يناير .. ودلوقتي نفس الموجة اشتغلت تاني والهدف: إننا منحاربش الفساد ونقتلعه من جذورة اللي في الحكومة والمحليات وغيرها

أنا مش عايز

أنا مش عايز أحمد شفيق .. أنا مش عايز ممدوح مرعي .. أنا مش عايز محمود وجدي .. أنا مش عايز أحمد أبو الغيط .. أنا مش عايز حسين مجاور .. مصر مليانة كفاءات وخبرات شريفة وايديها طاهرة ولم تلوث بدماء الشهداء

سؤال: موقعة الجمل اللي استشهد فيها أكتر من 12 متظاهر واتصاب المئات

سؤال: موقعة الجمل اللي استشهد فيها أكتر من 12 متظاهر واتصاب المئات .. انضربوا بالمطاوي والسنج والسيوف والكرابيج والطوب من بلطجية راكبين على أحصنة وجمال .. الوزير أحمد شفيق وعد بالقبض على المسؤولين اللي مولوا العملية .. وفيه اتهامات واضحة وصريحة لأعضاء في الحزب الوطني .. ولحد دلوقتي ولا حس ولا خبر .. فاهمين ليه إحنا مش عايزين حكومة شفيق؟ أقسم بالله إن حق كل شهيد ما هنفرط فيه حتى لو تكلف ده موتنا شهداء زيهم

الاثنين، 28 فبراير، 2011

حبيب العادلي

حبيب العادلي: قياديين كبار بالحزب الوطني وعدد من رجال الأعمال كانوا على اتصال دائم بي وطالبوني بفتح السجون وإخراج المعتقلين لإحداث فوضى ورعب في البلاد حتى يعود المتظاهرون في بيوتهم.

أسامة سرايا

أسامة سرايا .. عبدالمنعم سعيد .. عبدالله كمال .. ممتاز القط .. كرم جبر
تحب تقول لهم إيه لو بيسمعونا أو صحفيين من مؤسساتهم بيقروا الصفحة

أول بلاغ ضد صفوت الشريف

أول بلاغ ضد صفوت الشريف إلى النائب العام يطالب بمنعه من السفر

هل أنت مع فضح الفساد ؟

هل أنت مع فضح الفساد وملاحقة الفاسدين ولا شايفين إنه مش وقته دلوقتي؟

مسؤول في الحكومة الإسرائيلية

مسؤول في الحكومة الإسرائيلية: الغاز المصري يوفر لإسرائيل ما يزيد على عشرة مليارات دولار سنويا بسبب أسعار الغاز المتدنية .. يعني هما يبيعوا الغاز المصري وثروات البلد لإسرائيل بأبخس الأسعار وبعدين المفروض نصدق إن شباب الثورة عملاء إسرائيل وأمريكا! 
 

النائب العام المصري يصدر قرارا

النائب العام المصري يصدر قرارا بمنع الرئيس السابق حسني مبارك وأفراد أسرته من السفر للخارج

مقابلة مع الفريق أحمد شفيق في قناة البي بي سي يوم 5 فبراير

مقابلة مع الفريق أحمد شفيق في قناة البي بي سي يوم 5 فبراير .. يا ريت نسمع المقابلة كلها ونعرف رأيه قبل نجاح الثورة ونقارنه برأيه بعد نجاحها .. لازم نفكر بعقولنا كويس وفي النهاية كل واحد مسؤول عن رأيه وموقفه الشخصي .. يا ريت تسمعوها وتقولوا رأيكم